Senglot nag-dive sa tulay, lunod
KIDAPAWAN CITY, Philippines — Patay na nang matagpuan ang isang lasing na magsasaka matapos na mag-dive sa ilog mula sa isang hanging bridge sa Brgy. Kitubod, Libungan, North Cotabato kamakalawa ng gabi.
Kinilala ng Libungan Police ang nasawi na si Ariel Sigoyo Agbon, 24-anyos, residente ng naturang lugar. Sa ulat, pasado alas-7 ng gabi habang pauwi si Agbon at live-in partner nitong si Jessa Tante nang bigla niyang maisipang maligo sa ilog kaya biglang tumalon mula sa tulay.
Matapos ito, hindi na lumutang pa si Agbon kaya’t agad na humingi ng saklolo si Tante. Naglunsad naman ng search and rescue operation ang mga pulis at barangay officials sa lugar pero natagpuan si Agbon na isa nang bangkay na sumabit ang katawan sa kahoy na nasa ilalim ng ilog.
- Latest