Lady trader naningil ng pautang, inutas
BULACAN , Philippines — Nasawi ang babaeng negosyante matapos na saksakin ng isang binata na pilit nitong sinisingil sa kanyang dating utang na alak at sigarilyo sa kanyang sari-sari store sa Brgy. Perez Baba, Meycauayan City kamakalawa ng gabi. Nagawa pang maisugod sa Mary Mount Hospital pero hindi na umabot pang buhay ang biktimang si Ma. Gina Peru, 47, habang naaresto sa follow-up operation ang suspek na si Julius Victorino, 28, at kapwa mga residente ng naturang lugar.
Sa ulat ni SPO1 Wilfredo Pascual, dakong alas-7:00 ng gabi nang magpunta ang suspek sa sari-sari store ng biktima upang bumili ng sigarilyo at ilang bote ng alak ngunit nang tinanong ng biktima kung magbabayad siya ng kanyang utang ay nangako lamang ito na naging dahilan ng kanilang mainitang pagtatalo hanggang sa bumunot ng patalim ang suspek at inatake ng saksak ang biktima sa loob ng kanyang tindahan.
- Latest