4-anyos ni-rape slay ng 16-anyos utol
Bangkay isinako, itinapon sa sapa
KIDAPAWAN CITY , Philippines — Nagmistulang hayop sa kamatayang sinapit ng isang 4-anyos na nene sa kamay mismo ng kanyang 16-anyos na half brother matapos siyang gahasain sa murang edad at patayin saka itinapon pa sa sapa sa Purok Malabarbas, Brgy. Poblacion, Polomolok, South Cotabato.
Ayon kay P/Sr. Insp. Ludovico Rendaje, operations officer ng Polomolok Municipal Police Station, inihayag nito na nangyari ang panggagahasa sa mismong bahay ng magkapatid.
Ayon kay Rendaje, natakot ang suspek na malaman ang ginawang panggagahasa kaya tinakpan nito ang ilong at bunganga ng kanyang batang kapatid hanggang sa malagutan nang hininga.
Sinabi Rendaje na sinamahan pa ng suspek ang kanilang ina sa himpilan ng pulisya upang i-report na nawawala ang kapatid pasado alas-8:00 ng gabi noong Miyerkules.
Ala-1:00 na ng madaling araw ng Huwebes nang mag-report ang barangay officials sa pulisya na natagpuan na ang bata na sa isang creek sa naturang lugar na nakasilid sa sako at wala nang buhay.
Samantala, kahapon ay hawak na ng Department of Social Welfare and Development (DSWD) ang menor-de-edad na suspek. Ito’y matapos siyang sumuko sa pulisya at inamin nito ang kahalayang ginawa nito sa kanyang kadugo, na kapatid nito sa ina at itinuro kung saan niya ito itinapon.
- Latest