Furniture shop grinanada: 2 studes grabe

COTABATO CITY  , Philippines  —  Dalawang high school students ang malubhang sugatan matapos na hagisan at pasabugan ng granada ang isang furniture shop sa Barangay Rebuken, Sultan Kudarat, Maguindanao kamakalawa ng gabi. 

Kinilala ni Maguindanao Police Director Sr. Supt. Madzgani Mukaram ang mga suga­tan na sina Mohammad Murod, 18, at Sulaiman Ukas, 16, pawang taga Barangay Rebuken. 

Sinabi ni Mukaram na pasado alas-10 ng gabi nitong linggo habang sumisilong ang dalawang mga biktima sa isang furniture shop sa lugar nang may dumaang la­laking naka-motorsiklo at naghagis ng naturang granada sanhi ng matin­ding pagsabog. 

Agad na dinala sa isang pagamutan sa Co­tabato City ang mga bik­tima matapos na magtamo ng maraming tama ng shrapnel.