Trike vs Van: 3 patay, 1 kritikal
MANILA, Philippines — Tatlong katao ang nasawi samantalang isa ang kritikal matapos salpukin ng rumaragasang van ang sinasakyan nilang traysikel sa national highway ng Brgy. Nemmatan, San Agustin, Isabela kamakalawa.
Sa report ng pulisya, biglang lumabas sa highway mula sa isang kalsada ang trike na minamaneho ni Jelson Andres, 36 kaya’t natumbok ito ng Hyundai Starex Van ni Victor Abarra, 47 dakong alas 8:30 ng gabi.
Tumilapon at nagpagulung-gulong sa kalsada si Andres at mga pasahero nitong sina Romnick Mateo, Rolando Dulay at Sammy Vidad na itinakbo ng mga sumaklolo sa Prospero Bello Integrated Hospital sa kalapit bayan ng Jones.
Ayon sa report, tanging si Vidad lamang ang inilipat sa isang pagamutan sa Santiago City matapos malagutan ng hininga ang tatlo nitong kasamahan habang ginagamot.
- Latest