Pamilya nakuryente: Misis natigok!
TUGUEGARAO CITY, Cagayan, Philippines — Apat na miyembro ng isang pamilya ang sabay-sabay na nangisay dahil sa nalagot na kable ng kuryente na ikinasawi ng isang ginang sa Brgy. Sta. Rosa, Abulug, Cagayan noong Lunes.
Sa report, napatid ng minamanehong cement mixer truck ni Eddie Fariñas, 60, ang nadaanang kable ng kuryente ng Cagayan Electric Cooperative at lumapag ang kabilang dulo ng live wire sa irrigation canal kung saan naglalaro ang batang si Aristotle Alilam, 12, na agad nangisay.
Dahil dito, mabilis na sinaklolohan ang bata ng mga magulang nitong sina Ricardo, 27, at Vangie, 21, at lolo na si Romeo Alilam, 61, subalit maging sila ay nagsipagkisayan dahil sa malakas na boltahe ng kuryente.
Agad na isinugod ng mga sumaklolo ang mag-anak sa Far North Luzon Hospital and Training Center sa kalapit bayan ng Luna, Apayao kung saan idineklarang patay si Vangie. ?Inaalam na ng pulisya ang kinaroroonan ng drayber ng mixer truck na umano’y hindi napansin ang pagkakalagot ng kable.
- Latest
