Bumbay bulagta sa kabaro
LEGASPI CITY, Albay, Philippines — Bulagta sa tabi ng kalsada ang isang Bumbay matapos barilin ng pinaniniwalaang kabaro nito sa kahabaan ng national highway ng Brgy. Fidel Surtida, Sto. Domingo, ng lalawigan noong Linggo ng hapon.
Dead-on-the-spot dahil sa tama ng punglo sa iba’t ibang bahagi ng katawan ang biktimang si Kudeep Singh Gill, 33, ng Dona Maria Subdivision, Brgy. Tagas, Daraga. Hindi nakilala ang tumakas na suspek lulan ng motorsiklo patungo sa hindi malamang direksyon.
Ayon sa ulat, dakong alas-3:20 ng hapon, nakita ng ilang saksi na may kausap at parang nagtatalo ang biktimang si Kudeep at suspek na mukha ring Indian. Gayunman, ilang sandali ay nakitang pinagbabaril ng suspek ang biktima na agad tumimbuwang sa tabi ng kalsada. Sinubukan pa ng mga saksi at pulis na isugod sa Albay Doctor’s Hospital pero idineklarang patay.
- Latest