Kotse tumaob, driver patay
CAVITE , Philippines — Isang 21-anyos na driver ang nasawi matapos tumilapon palabas ng kanyang minamanehong kotse na nawalan ng kontrol at nagpagulung-gulong sa kalsada habang bumabagtas sa kahabaan ng Molino-Paliparan Rd., Brgy. Salawag Dasmariñas City kamakalawa ng gabi. Kinilala ang nasawi na si Mark Jayvee de Vega, ng No. 393 De Vega Compound, Brgy. Salawag, ng naturang lungsod.
Sa ulat, dakong alas-11:30 ng gabi habang matulin na binabagtas ng bikitima ang nasabing lugar sakay ng pulang Kia CD5 (UAY-776) nang sa isang pakurbadang kalsada ay bigla umanong nawalan ng kontrol sa manibela dahilan upang tumaob at magpagulung-gulong sa kalsada. Tumilapon palabas ang biktima na nagresulta sa pagkamatay nito. Lasing umano ang biktima nang maganap ang aksidente.
- Latest