3 ‘tulak’ tiklo sa buy-bust
DASMARIÑAS, Cavite, Philippines — Swak sa selda ang tatlong sinasabing notoryus na ‘tulak’ ng shabu kabilang ang isang 31-anyos na babae nang masakote sila sa isang drug-bust operation sa Brgy. Sampaloc 2, Dasmariñas, Cavite kamakalawa ng gabi.
Kinilala ng Dasmariñas Police ang mga natimbog na suspek na sina Celso Enriquez, 42; Eulogio Olano, 40; at Josie Quilopes. Batay sa ulat, matapos ang kanilang ilang araw na surveillance sa mga suspek, ikinasa nila ang buy-bust ganap na alas-11:00 ng gabi.
Isang pulis ang nakipag-deal sa mga ito at bumili ng shabu at nang magpositibo ay agad na dinakma ang mga suspek. Nakuha sa mga ito ang anim na piraso ng plastic sachet na naglalaman ng mga shabu, drug paraphernalia’s, at isang kalibre .45 baril.
- Latest