9 tiklo sa Cavite buy-bust

MANILA, Philippines — Swak sa kulungan ang siyam na drug suspects habang tinatayang nasa P100-libong halaga naman ng hinihinalang shabu ang nasamsam ng mga tauhan ng Bacoor City Police sa isinagawang drug operation sa Brgy. Zapote 1 at Talaba 4 kamakalawa ng gabi.

Humihimas na sa rehas ang mga suspek na sina Mark Jayson del Rosario, 25; Rommel Orquita, 35; Louie Mendoza, 41; Edrian Damayo, 29; Cesar Eusebio II, 36; Violeta Oronos, 45; Mary Jane Arias, 52; Shane Frances Gloria, 23; Jam Gregoria, 29 taong gulang.

Sa ulat ng pulisya, sinimulan nila ang operasyon ganap na alas-6:30 sa Brgy. Zapote 1, kung saan pito ang naaresto rito.

Kasunod nito, nilusob din ng pulisya ang Brgy. Talaba 4 at dito naman naaresto ang dalawa pang suspek.

Nakumpiska sa naturang operasyon ang nasa 15 gramo ng shabu na nagkakahalaga ng P100-libo at mga shabu paraphernalias.