Parak bulagta sa sariling boga

NORTH COTABATO  , Philippines  —    Isang pulis ang nasawi matapos aksidenteng mabaril ang sarili sa loob mismo ng kanilang himpilan sa Toril District, Davao City, Linggo ng gabi. Kinilala ang nasawi na si SPO3 Rosebelt Vertudez Angcon na nagtamo ng tama ng bala sa ulo matapos na aksidenteng pumutok ang baril nito habang kanyang nililinis alas-11:45 ng gabi sa Toril Police Station.

Ayon sa ulat, nabigla ang mga on-duty personnel matapos na umalingawngaw ang isang malakas na putok ng baril mula sa locker room kung saan nakita na lamang ni PO1 Jeffrey Saligumba na nakahandusay at naliligo na sa sariling dugo ang biktima. Agad namang isinugod sa pagamutan ang biktima ngunit idineklara ring dead-on-arrival.