‘Tulak’ timbog sa P3.4-M shabu
MANILA, Philippines — Swak sa kulungan ang isang sinasabing kilabot na ‘tulak’ ng droga makaraang makumpiskahan ng mga otoridad ng P3.4-milyong halaga ng shabu sa ikinasang buy-bust operation laban sa kanya sa Antipolo City, kamakalawa.
Kinilala ng Antipolo City Police ang nasakoteng suspek na si Emilio Dugan Jr., nasa hustong gulang.
Dakong alas-6:30 ng gabi nang dakipin ng mga pulis si Dugan matapos na makumpiskahan ng isang abuhing sling bag na may lamang tatlong transparent plastic ice bag na naglalaman ng hinihinalang shabu na may timbang na kalahating kilo at may estimated street value na P3.4 milyon, isang P1,000 marked money, na nakalagay sa ibabaw ng boodle money, at isang unit ng kulay orange na cellular phone.
Ang suspek ay nakakulong na at sasampahan ng kasong paglabag sa Republic Act 9165 o Comprehensive Dangerous Drugs Act of 2002.
- Latest