Rider salpok sa barrier, inararo pa ng trak
LUCENA CITY , Philippines — Dobleng kamalasan ang inabot ng isang motorcycle rider makaraang sumalpok sa concrete barrier ay nasagasaan pa ng trak sa Maharlika highway, Eco tourism Rotonda, Barangay Isabang kamakalawa ng madaling àraw. Dead-on-the-spot sanhi ng matinding kapinsalaan sa ulo at katawan ang biktimang si Gerardo Almendral, 44-anyos, ng Gibanga,Tayabas City.
Sa ulat na tinanggap ni S/Supt.Romulo Allbacea, dakong alas-12:30 ng madaling araw ay sakay ang biktima sa kanyang Rusi motorcyle nang bumangga ito sa concrete barrier. Dahil sa lakas ng pagkakabangga ay tumilapon ang biktima patungo sa kalye at tiyempo namang paparating ang Bicol bound na six wheeler truck na minamaneho ni Roberto Logdat ng Marinduque at nasagasaan ito at nakaladkad pa ng ilang metro.
- Latest