Truck swak sa bangin: 1 utas, 1 malubha
TUGUEGARAO CITY, Cagayan, Philippines — Nasawi ang isang drayber ng trak habang kritikal ang alalay nito matapos mahulog ang kanilang sasakyan sa 20-metrong lalim na bangin sa Km. 58, Cattubo, Atok, Benguet noong Martes.
Sa report ng pulisya, biglang nagka-landslide sa gilid ng bundok na tinatahak ni Rodrigo Maon kung kaya’t nahulog ang minamaneho nitong trak dahil sa madulas na kalsada dulot ng walang humpay na pag-ulan.
Agad namatay si Maon habang sinikap isugod ng mga sumaklolo ang alalay nitong sa Gary Kimayong sa Northern District Hospital sa bayan ng Buguias kung saan siya inoobserbahan.
- Latest