Bus salpok sa motor, lolo dedo

TUGUEGARAO CITY, Cagayan  , Philippines  —  Pisak ang isang 62-anyos na obrero matapos makipagsalpukan ang minamaneho niyang motorsiklo sa kasalubong na Dalin Liner Bus sa highway ng Brgy Casicallan Sur, Gattaran, Cagayan kamakalawa. ?Sa report ng pulisya, nagtangkang mag- overtake ang drayber ng Dalin bus na si Donato Gregorio, 44, sa isang kasabay na GV Florida bus nang abutan nito sa kabilang linya ang lolong si Reynante Santiago na lulan ng motorsiklo.?

Sinikap isugod ng mga sumaklolo ang matanda sa Tomas Nolasco Sr. Memorial Hospital subalit idineklara na siyang patay. ?Dinakip naman ng mga nagrespondeng pulis si Gregorio na nakasagi rin sa bus ng Florida sa nangyaring aksidente.