Sundalo dedo sa center island
MANILA, Philippines — Isang miyembro ng Philippine Army ang nasawi matapos na sumalpok ang minamaneho niyang motorsiklo sa konkretong center island sa harap mismo ng Bacoor City Hall, sa lalawigan ng Cavite, kamakalawa ng gabi.
Dead-on-arrival sa pagamutan ang biktima na kinilalang si Sgt. Rommel Molina, 37-anyos, may-asawa, residente ng Golden City Subd., Brgy. Salawag Dasmariñas City, at naka-assign sa Army Intelligence Regiment.
Ayon sa ulat ng pulisya, dakong alas-11:15 ng gabi nang maganap ang insidente sa nasabing lugar.
Habang sakay ng kanyang motor na may plakang NC34849 at mabilis na binabagtas ang kalsada nang bigla siyang sumalpok sa center island.
Sa lakas ng pagkakasalpok nito ay lumipad ito at tumilapon bago lumagapak sa kalsada. Kahit na nakasuot ng helmet ang biktima ay napuruhan pa rin ito.
Naisugod pa sa pagamutan ang biktima ngunit hindi na ito umabot pang buhay.
- Latest