Rider salpok sa bus, todas

MANILA, Philippines — Hindi na umabot pang buhay sa pagamutan ang isang ‘di pa nakikilalang rider matapos na sumalpok ang kanyang minamanehong motorsiklo sa kasalubong na bus sa kahabaan ng Mahar­lika National Highway sa Brgy. Pangpang sa Sorsogon City, Sorsogon noong Lunes ng madaling araw.

Dead-on-arrival sa ospital ang lalaking rider na walang suot na helmet at walang dalang lisensya o pagkakakilanlan.

Sa ulat, dakong ala-1:20 ng madaling araw, binabaybay ng bus ng Travellers Choice DT Tours (XSF-126) na minamaneho ni Allan Villavito, 35-anyos, ang kahabaan ng highway patungong Tacloban City nang biglang okupahin ng rider ang linya ng bus dahilan para sila’y ay magbanggaan. Agad sumuko ang driver ng bus sa mga rumespondeng pulis.