Lider ng robbery group arestado
CAVITE , Philippines — Matapos ang may tatlong linggong surveillance ng Bacoor City Police, naaresto na nila ang sinasabing lider ng ‘Obet Robbery Hold up Group’ sa isinagawang pagsalakay sa Brgy. Kaingen, Bacoor City kahapon.
Kinilala ni P/Supt. Vicente Cabatingan, OIC ng Bacoor Police ang suspek na si Norberto Doctor, 52 anyos, electrician, residente ng #86 Barangay Aniban I, Bacoor City, lider umano ng nasabing criminal group na responsable sa serye ng holdapan at gun-for- hire sa Bacoor at karatig na lugar.
Sa ulat, alas-10:20 ng umaga nang ikasa ng pulisya ang operasyon laban sa suspek sa pinagtataguan nito sa nasabing lugar.
Sa tala, may tatlong murder case ang suspek sa Las Piñas City, dalawang standing warrant of arrest para sa kasong robbery na nakahain sa Bacoor RTC at isa pang murder case sa Nueva Ecija.
Patuloy ang isinasagawang follow-up operation ng pulisya upang mahuli ang iba pang miyembro ng nasabing grupo.
- Latest
