Kagawad na nasa narcolist, itinumba
MANILA, Philippines — Dead-on-the-spot ang isang bagong luklok na kagawad ng barangay matapos siyang ratratin ng mga ‘di pa nakikilang gunmen habang pasakay ng kanyang kotse sa harapan ng kanyang tahanan naganap sa Brgy. Poblacion, Tubao, La Union kahapon ng umaga.
Sa ulat ng pulisya, dakong alas-6:20 ng umaga habang pasakay ng kotse ang biktimang kinilalang si Kagawad Nielo Baltazar, 38-anyos, nang biglang sumulpot ang isang puting van at nagbabaan ang mga gunmen saka niratrat hanggang sa mapatay ang kagawad.
Ayon sa rekord ng pulisya, kasama sa drugs watchlist ng otoridad ang opisyal at naitala bilang “pusher”
Sinasabi rin na nasangkot ang opisyal sa ‘Amang Drug Group’ na nagsasagawa ng operasyon sa La Union.
Patuloy pa rin sinisiyasat ng mga imbestigador ang kaso.
- Latest
