Retiradong guro dedo sa tandem
NUEVA ECIJA, Philippines — Patay ang isang 65-anyos na retired public school teacher makaraang pagbabarilin ng dalawang hindi kilalang lalaki na sakay ng motorsiklo habang nasa veranda ng kanyang bahay sa Melcar Subdivision, Brgy. Calaocan, sa lungsod ng San Jose kamakalawa ng umaga.
Idineklarang dead-on-arrival sa Heart of Jesus Hospital ang biktima na si Susan De Leon, biyuda, dahil sa tinamong tama ng bala ng kalibre .45 baril sa katawan.
Bandang alas-10:10 ng umaga, nasa veranda ang biktima at nag-aayos ng mga halamang nasa paso nang biglang dumating ang dalawang lalaking suspek na sakay ng motorsiklong Kawazaki Bajaj at saka siya pinagbabaril ng backrider.
- Latest