Bombing, silat sa military
MANILA, Philippines — Nasilat ng tropa ng militar ang planong pambobomba ng mga pinaghihinalaang miyembro ng Bangsamoro Islamic Freedom Fighters (BIFF) sa kahabaan ng Cotabato-Isulan highway sa lalawigan ng Maguindanao kahapon ng umaga.
Sa ulat ng Police Regional Office (PRO)12, dakong alas-6:00 ng umaga nang marekober ng Explosives Ordinance Team ng Philippine Army ang isang Improvised Explosive Device (IED) sa nasabing highway malapit sa tulay sa Brgy. Labo, Datu Hofer sa lalawigan.
Bago ito ay ilang mga motorista ang nag-report sa himpilan ng militar na malapit sa lugar hinggil sa kahina-hinalang kalalakihan sa lugar na may inabandonang kung anong bagay sa nasabing highway.
Agad namang nagresponde ang mga explosive expert na pansamantalang isinara sa motorista ang nasabing highway habang nagsasagawa ng pag-detonate sa bomba.
Matapos ang dalawang oras nang ma-detonate ang bomba ay binuksan na sa mga motorista ang nasabing highway. (Rhoderick Beñez)
- Latest