Kagawad itinumba sa Zamboanga!
MANILA, Philippines — Hindi na nakadalo pa ang isang bagong halal na kagawad sa kanilang “feeding program” nang pagbabarilin ng ‘di pa nakilalang suspek malapit sa kanilang bahay sa Barangay Santa Catalina sa Zamboanga City, Sabado ng umaga.
Sa ulat kay P/Chief Insp. Shelamae Tubo-Chang, tagapagsalita ng Zamboanga City Police Office, nakilala ang biktima na si Michael Magallanes, 38-anyos, na idineklarang dead-on-arrival sa pagamutan.
Nangyari ang pamamaril alas-7:30 ng umaga, malapit mismo sa bahay ng biktima sa Betty 2 Store. Patungo sana ang kagawad sa isinasagawang barangay feeding program nang isagawa ng ’di kilalang salarin ang krimen. Sa tala, si Magallanes ay nagsilbi bilang ingat yaman ng Brgy. Sta. Catalina noong taong 2013 bago siya tumakbong brgy. kagawad sa kakatapos na Barangay at SK election noong Mayo at pinalad na magwagi.
- Latest
