Nanalong tserman, timbog sa buy-bust
LEGASPI, Albay, Philippines — Swak sa selda ang isang kapapanalo pa lang na barangay tserman matapos maaresto sa ginawang buy-bust operation ng mga tauhan ng Philipine Drug Enforcement Agency (PDEA) at pulis sa kahabaan ng Ballesteros St., Purok 6, Brgy. Sampaloc sa Sorsogon City, Sorsogon noong Biyernes ng hapon.
Hindi na nakapalag nang arestuhin makaraang i-abot ang ibinebentang droga sa poseur buyer na pulis na si Misael Larosa alyas ‘Bobby’, 48-anyos, nanalong kapitan at residente ng nasabing barangay.
Sa ulat ng pulisya, dakong alas-4:45 ng hapon nang ikasa ng mga operatiba ang buy-bust laban kay Larosa na itinuring din na ranked number 3 sa provincial drug watchlist.
Ilang sachet ng hinihinalang shabu at drug paraphernalias ang nakuha sa suspek. Umabot umano ng ilang araw ang ginawang surveillance laban kay tserman bago ginawa ang operasyon. (Joy Cantos)
- Latest
