Holdaper bulagta sa shootout
CAVITE , Philippines — Isang hindi pa kilalang lalaki na sinasabing nangholdap ng isang babae ang napatay ng pulisya matapos na umano’y makipagbarilan sa mga pulis habang tumataas lulan ng isang motorsiklo kamakalawa ng gabi sa Carmona, ng lalawigan.
Inaalam pa ng mga awtoridad ang pagkakakilanlan ng napatay na suspek.
Sa nakalap na report mula kay P/Chief Insp. Rommel Carcellar, hepe ng Carmona Police, dakong alas-10:00 ng gabi nang magsagawa sila ng dragnet operation sa kahabaan ng Governor’s Drive, Cabilang Baybay, Carmona, Cavite matapos na isang si Marcel Olan ang humingi ng tulong nag holdapin umano ng suspek at tinangay ang kanyang cellphone, pera at mahahalagang gamit.
Ayon sa biktima, hinarang siya ng suspek at tinutukan ng baril at tuluyang hinoldap. Matapos ito ay mabilis na tumakas, sakay ng dalang motorsiklo.
Kaugnay nito, isang motorsiklo ang nasabat ng pulisya sa may Southwoods subalit hindi ito huminto. Dito na naganap ang habulan at palitan ng putok hanggang sa tumimbuwang ang suspek.
Narekober sa lugar ang isang brown handbag, isang cellphone at iba’t ibang mga personal na kagamitan na positibong kinilala ng biktima na kanyang pag-aari habang nakuha sa bulsa ng suspek ang isang plastic sachet na naglalaman ng shabu.
- Latest