Binata iniwan ng gf, nag-suicide
TUGUEGARAO CITY, Cagayan , Philippines — Hindi na nakaboto ang isang 20-anyos na binata nang magbigti sa puno ng mangga matapos makipagkalas sa kanya ang nobya sa Brgy. Marzan, Sanchez Mira, Cagayan bago ang eleksyong pambarangay. ?Sa report ni PO2 Saldi Sibayan, inakalang biro lamang ng mga kainuman ni Robert Bumiltac ang pagpapaalam nito para magpakamatay dahil umano sa mabigat nitong dinadala sa dibdib. Gayunman, buong gulat ni Junfer Garon na nagtungo sa puno upang umihi nang makita ang bayaw na si Bumiltac na nakabitin at lawit pa ang dila.
?Sinikap ng mga kaanak na isugod ang binata sa hospital pero idineklara siyang patay. ?Nabatid mula sa mga kaanak na naging malungkot, tulala at laging nakatingin sa malayo si Bumiltac mula nang makipagkalas sa kanya ang nobya.? Ayon kay Sibayan, nagawa pa ng biktimang mag-text sa mga kaanak at kaibigan upang humingi ng paumanhin sa gagawin niyang pagbibigti.
- Latest