Seguridad sa pantalan hihigpitan
MANILA, Philippines — Sisimulan na ng Philippine Coast Guard (PCG) ang paghihigpit sa seguridad sa lahat ng mga daungan sa bansa at maging sa mga terminal ng ferry.
Kaugnay pa rin ito sa paggunita ng bansa sa Semana Santa simula March 29 hanggang April 1.
Inatasan ni Coast Guard Commandant Rear Admiral Elson Hermogino ang lahat ng Coast Guard units na tiyaking ligtas at kumportable ang mga paglalayag ng publiko na uuwi sa iba’t ibang lalawigan para gunitain ang mahal na araw.
Simula March 25 aniya ay mahigpit na ang alertong paiiralin nila sa buong bansa.
Partikular na pinatututukan ni Hermogino ang pag-iinspeksyon sa mga bibiyaheng barko, ang pre-departure inspection lalo na sa bilang ng mga pasahero, mga dokumento ng barko gaya ng manifesto bago payagang makapaglayag.
- Latest