Rider sumemplang sa highway, dedo
LEGAZPI CITY, Albay , Philippines - Basag ang bao ng ulo ng 20-anyos na rider makaraang sumemplang ang kanyang motorsiklo at mahulog sa malalim na kanal sa kahabaan ng national highway sa Purok 6, Barangay San Francisco sa bayan ng Malilipot, Albay kamakalawa ng hapon. Sinubukan pang isugod sa Ziga District Hospital sa Tabaco City ang biktimang si Christopher Lumabi ng Purok 3, Brgy. Sta.Teresa pero idineklarang patay. Base sa police report na nakarating sa Camp Simeon Ola, namataan ng ilang residente ang mabilis na pagmomotorsiklo ng biktima sa kahabaan ng highway kaya nawalan ito ng kontrol nang iwasang mabangga ang sasakyan sa unahan kaya ito sumemplang. Nagtuluy-tuloy na nahulog sa malalim na kanal sa gilid ng highway.
- Latest