Madre ginulpi ng kawatan
MANILA, Philippines - Gulpi-sarado ang inabot ng 70-anyos na dayuhang madre matapos itong pagsusuntukin ng hindi kilalang kawatan compound ng simbahan sa bayan ng Midsalip, Zamboanga del Sur kamakalawa ng gabi.
Sa ulat na nakarating sa Camp Crame, naganap ang insidente sa compound ng San Jose Parish Church bandang alas-9:26 ng gabi kung saan isinasara ng biktimang si Sister Kathleen Anne Melia ang bintana ng simbahan nang bigla na lamang itong sunggaban ng suspek.
Gayunman, pumalag ang matandang madre kaya pinagsusuntok ito ng kawatan hanggang sa halos hindi na ito makagulapay.
Agad namang isinugod sa Midsalip Infirmary Hospital ang matandang madre pero dahil sa malalang bugbog na tinamo nito ay inilipat sa Medina General Hospital sa Ozamis City.
- Latest