Konsehal itinumba ng tandem
MANILA, Philippines - Pinabulagta ang isang opisyal ng barangay matapos itong pagbabarilin ng riding-in-tandem assassins sa harap ng kanyang anak sa bayan ng Calasiao, Pangasinan noong Lunes ng tanghali.
Napuruhan sa katawan ang biktimang si Kagawad Wilfredo de Vera ng Barangay Banaoang.
Sa ulat ng Pangasinan Police na naisumite sa Camp Crame naganap ang krimen sa harapan ng bahay ng biktima sa Barangay Banaoang bandang alas-12: 45 ng tanghali.
Ayon sa imbestigasyon, kararating lamang ng biktima sa kanilang bahay nang biglang sumulpot at ratratin ng motorcycle-riding gunmen kung saan nasaksihan ng isa sa kaniyang mga anak.
Nagawa pang maisugod sa pagamutan ang biktima pero namatay din habang ginagamot.
Matapos na bumulagta ang biktima ay mabilis na nagsitakas ang gunmen patungo sa hindi pa malamang destinasyon.
Inaalam naman ng pulisya kung may nakatutok na CCTV camera sa nasabing lugar para makilala ang gunmen.
- Latest
