1 patay sa sa CDO, state of calamity idineklara
MANILA, Philippines — Isinailalim na sa state of calamity ang Cagayan de Oro ngayong Martes dahil sa pagbaha dala ng matinding pag-ulan mula kahapon.
Sinabi ni Mayor Oscar Moreno sa isang panayam sa telebisyon na nag-normalized na ang sitwasyon sa kanilang lungsod.
Aniya bumalik na rin sa normal ang antas ng tubig sa mga ilog.
Sa pagdeklara ng state of calamity ay magagamit ng lungsod ang kanilang emergency funds at mapipigilan ang pagtaas ng presyo ng mga pangunahing bilihin.
Samantala, nasa 3,000 katao o 1,000 pamilya ang nanatili sa 18 evacuation centers ngunit nagbabalikan na rin sa kani-kanilang mga tahanan ngayong araw.
Isang 14-anyos na lalaki naman ang nasawi matapos mabagsakan ng pader sa Barangay Agusan.
"It was very unfortunate because the worst was already over when it happened," wika ni Moreno sa ABS-CBN News Channel.
- Latest
