Estudyante arestado sa bomb joke
TUGUEGARAO CITY, Cagayan, Philippines – Arestado ang 17-anyos na estudyante matapos itong magbiro na may dala siyang bomba sa bag sa entrance ng malaking mall sa Barangay Alibagu, Ilagan City, Isabela noong Lunes ng hapon. Nataon ang insidente sa pagdiriwang ng mga deboto sa Poong Nazareno na ipinarada rin ang replica nito kaya ibayo ang panawagan ni P/Supt. Ariel Quilang, hepe ng Ilagan City PNP na maging mapagmatyag ang mamamayan. Itinago sa pangalang Bheejay ang suspek na lumikha ng pagkaalarma sa mga parukyano ng mall nang tahasan nitong sambitin sa mga sekyu na may dala siyang bomba. Bagama’t menor-de-edad; pinasakamay ng pulisya si Bheejay sa kustodiya ng lokal na DWSD. Nabatid na krimen ang pagbibiro tungkol sa bomba alinsunod sa batas ng PD 1727.
- Latest