3 minasaker sa ‘pot session’
CAVITE, Philippines –Tatlo-katao na sinasabing nagpa-pot session ang napatay makaraang pagbabarilin ng dalawang hindi kilalang lalaki sa naganap na masaker sa Barangay San Francisco, General Trias City sa Cavite kamakalawa ng gabi.
Kinilala ng pulisya ang mga biktima na sina Ricardo Santos, 31; Jonas Mangilag, 20; at si Joan Mangilag, 19, mga nakatira sa Sunny Brooke 1 Subdivision sa nasabing barangay.
Base sa police report na nakarating sa Camp Pantaleon Garcia, naganap ang krimen sa isang bahay sa nasabing lugar kung saan pinasok at niratrat ng gunmen ang tatlo bandang alas-11:30 ng gabi.
Narekober sa crime scene ang siyam na basyo ng bala ng cal. 45 pistol, anim na plastic sachets ng shabu at mga drug paraphernalia.
May teorya ang mga imbestigador ng pulisya na naaktuhan ang tatlo sa pot session nang pumasok ang gunmen saka isinagawa ang pamamaslang.
- Latest
