Trak vs van: 1 tigok, 8 sugatan
CAVITE, Philippines – Kamatayan ang sinapit ng 38-anyos na driver habang walo naman ang nasugatan makaraang salpukin ng trak ang kasalubong na pribadong van sa kahabaan ng Hugo Perez Highway sa Trece Martirez City, Cavite kahapon ng madaling araw.
Kinilala ang namatay na driver ng trak na si Robenson Cablino ng Barangay San Nicolas sa bayan ng Gapan, Nueva Ecija.
Sugatan naman ang driver ng van na si Antonio Ebona at ang mga pasahero nitong sina Alex Andren, Aljur Andren, Perlinda Sumabong, Mark Anthony Ebonia, Antonio Bonia, Oliver Magbutay, Nlisa Tubong-bayan, mga nakatira sa Brgy. Hugo Perez sa nasabing lungsod.
Sa police report na nakarating sa Camp Pantaleon Garcia, magkakasamang lulan ang walong biktima sa puting van (AAL4760) na minamaneho ni Ebona nang salpukin ng trak (XHM828) ni Cablino.
Gayunman, tumalon mula sa trak ang driver subalit nasagasaan ito ng hulihang gulong ng kanyang trak.
- Latest