Sintunadong kumanta, inatado ng saksak

CATANAUAN,Quezon, Philippines - Kasalukuyang nakikipaglaban kay kamatayan ang isang obrero matapos na pagsasaksakin ng senglot na nainis sa sintunadong pagkanta nito sa loob ng videoke bar sa Barangay Tagbacan Ilaya, kamakalawa ng gabi.

Ang biktima na nagtamo ng mga saksak sa dibdib leeg at braso ay kinilalang si Emar Manosca, 27, may-asawa at residente ng Barangay Cawayanin Ilaya.

Agad namang naaresto ang suspek na si Reynaldo Nocum, nasa hustong gulang.

Batay sa imbestigasyon ng pulisya, dakong alas-8:30 ng gabi sa loob ng Manuela Videoke bar ay kuntodo birit umano ng biktima sa awitin na “My love will see you through”.

Nairita ang suspek at sinigawan ang biktima na tumigil, subalit sa halip na huminto ay ipinagpatuloy pa ng huli ang pagkanta,

Sa inis ng suspek ay tumayo ito at nilapitan ang suspek saka inundayan nang sunod-sunod na saksak sa katawan.