Mag-asawa,anak patay sa bangaan ng dyip vs motorsiklo

Tatlong miyembro ng pamilya ang kumpirmadong nasawi makaraang salpukin ang sinasakyang motorsiklo ng mga biktima ng dyip sa tulay na sakop ng Barangay Balayhangin, Sinilion, Laguna kamakalawa ng umaga.

Hindi na umabot pa ng buhay sa Gen. Cailles Memorial Hospital ang mga biktimang sina Roderick, 29, mekaniko, Ronelda Panuntan at anak na si Princess na pawang residente ng Tambis Street, Tondo, Manila.

Agad naman dinakip ang suspek na drayber ng dyip (DSR 878) na si Divino Lualhati, 27 ng San Jose St., Sampalok, Manila.

Naitala ang insidente dakong alas-10:30 ng umaga sa tulay na sakop ng nabanggit na barangay.

May teorya ang pulisya na nawalan ng kontrol ang manibela ng dyip kaya naganap ang malagim na trahedya. (Ulat ni Ed Amoroso)