3 kalabang babae ni Lani sa pagka-mayor umatras

Balak gibain at lituhin ng tatlong kababaihan na nagsumite ng kandidatura sa pagka-Mayor ng Bacoor, Cavite para tuluyang matalo si Lani Mercado Revilla na tumatakbong Mayor sa partido ng Lakas-NUCD.

Ang tatlong ginang na naghain ng kandidatura ay nakilalang sina Lani T. Tabuan, Julita D.Mercado at Leonora V. Revilla noong alas 11:57 ng gabi noong Pebrero 28 na huling araw ng paghahain ng certificate of candidacies (COC’s).

Subalit sa mismong bibig ng mga ginang na hindi sila personal na naghain ng COC’s sa pagiging alkalde ng Bacoor.

Kaya binawi din ng mga ito ang sertipiko ng kanilang kandidatura dahil sa wala silang kakayahan na maglunsad ng kampanya at wala silang interes sa politika at nagtataka sila kung sino ang naghain ng kanilang kandidatura.

Inilagay ni Gng.Revilla ang Jesusa Victoria Hernandez Bautista-Revilla at ang Lani Mercado-Revilla na kanyang palayaw ay bibilangin sa botohan.

Halata umano na ang layunin ng isang politikong makakalaban ni Lani ay lituhin ang mga botante sa araw ng halalan. (Ulat nina Cristina Go-Timbang at Mading Sarmiento)