MANILA, Philippines — Nasa P2.1-bilyong halaga ng ayuda ang inilaan ng Department of Social Welfare and Development (DSWD) para sa mga maaapektuhan ng super typhoon Betty.
Ayon sa DSWD nakahanda na rin ang may mahigit isang milyong food packs na handang ipamahagi sa mga masasalanta ng bagyo.
Sinabi ni DSWD Secretary Rex Gatchalian na ang ginagawang paghahanda ay bilang tugon sa utos ni Pangulong Ferdinand R. Marcos Jr. na ihanda ang mga relief items sa ibat ibang bahagi ng bansa bilang augmentation support sa mga local government units (LGUs) na maaapetkuhan ng bagyo.
Ayon kay Gatchalian, ang DSWD at kanilang Field Offices (FOs) ay nai-prepositioned na ang food ang non-food items (FNFIs) sa mga strategic locations at warehouses sa ibat ibang rehiyon gayundin sa DSWD National Resource Operations Center (NROC) at Visayas Disaster Resource Center (VDRC).
Pinasalamatan din ni Gatchalian ang Department of National Defense (DND), Pagasa at DOST sa pakikipagtulungan sa ahensiya para mapadali ang kanilang ginagawan relief operations.
Ang DSWD ay patuloy na nakikipag-ugnayan sa mga kinauukulang LGUs para pagtulungan ang paglalaan ng tulong sa mga maaapektuhang mamamayan dulot ng bagyo.