5 Pinoy missing sa tumaob na Chinese fishing boat
MANILA, Philippines — Kabilang ang limang Pilipino sa 39 crew members na nawawala matapos tumaob ang isang Chinese fishing vessel sa Indian Ocean nitong Martes.
Ito ang kinumpirma ng Chinese Embassy at sinabing patuloy silang makikipag-ugnayan sa ahensiya ng gobyerno sa Pilipinas para sa update sa nasabing aksidente.
Sa inisyal na ulat, lumalabas na bukod sa limang Filipino ay sakay din ng lumubog na bangkang pangisda ang 17 Chinese at 17 Indonesian.
Kaagad naman umanong ipinag-utos ni Chinese President Xi Jinping ang all out rescue operation para mailigtas ang 39 crew members.
Sa inisyal na ulat, alas-3:00 ng madaling araw oras sa Beijing nitong Martes nang lumubog ang Lu Peng Yuan Yu 028 sa Indian Oceans.
Habang ginagawa ang balitang ito ay wala pa rin natatagpuan sa mga nawawalang crew ng barko, habang nagpadala na ng dalawang commercial vessels sa lugar ng insidente para tumulong sa paghahanap sa lumubog na barko.
- Latest