Pagbabayad ng income tax, hanggang April 17 lang – BIR

MANILA, Philippines — Muling ipinaalala ni Internal Revenue Commissioner Romeo Lumagui Jr. sa mga taxpayers na mag-file at magbayad ng kanilang 2022 Annual Income Tax Return (AITR) kahit saan lugar dahil hanggang April 17, 2023 na lamang ang deadline na walang kaukulang penalties.

Pinayuhan din ni Commissioner Lumagui o ang mga taxpayers at Certified Public Accountants (CPAs) na huwag gagamit ng pekeng resibo at transaksyon upang mabawasan ang kanilang babayarang buwis.

Sinabi ni Lumagui na ang Taxpayers na manda­ted  na gamitin ang  BIR’s Electronic Filing and Payment System (eFPS)  ay maaaring mag-file ng kanilang  AITRs electronically at bayaran ang tamang buwis sa pamamagitan ng  eFPS-Authorized Agent Banks (AABs) kung saan sila naka enrolled.

Kung ang filing  ay hindi puwede sa eFPS, ang taxpayers ay gagamitin ang eBIRForms facility sa  filing  ng kanilang  AITR. Ang tax returns na nai-file sa pamamagitan ng  eBIRForms facility ay hindi na kailangang mai-file sa  eFPS.

Ang pagbabayad ng taxes due para sa tax returns na naihain gamit ang eBIRForms ay maaaring dalhin sa Revenue Collection Officers (RCOs) sa Revenue District Offices (RDOs), o sa alinmang  Electronic Payment (ePayment) channels ng BIR.

Ang  ePayment Channels ay tumatanggap ng bayad sa buwis gamit ang  online payment facility (i.e. LBP’s LinkBiz Portal, DBP’s Pay Tax Online, etc.), credit/debit/prepaid cards, at mobile payment facilities tulad ng  GCash, Maya at MyEG. Ang link ng BIR ePayment channels ay accessible sa BIR website na www.bir.gov.ph.

Ang taxpayers na magpa-file ­manually ng kanilang AITR at magbabayad ng buwis sa RCOs ng RDO ay maaa­ring magbayad naman ng cash ng hanggang P20,000 lamang o naka-tseke na pa­yable sa “Bureau of Internal Revenue”.