Allowance sa mga health workers patuloy — Pangulong Marcos
Kahit matapos na ang state of calamity…
MANILA, Philippines — “Tuloy-tuloy ‘yan... Yung inaalala ko dati na hindi matutuloy ang compensation para sa ating health workers, ‘yung mga health workers, ‘yung allowance nila ay pinag-aralan namin nang mabuti kahit hindi itinutuloy ang state of calamity ay hindi maapektuhan ang pagbayad doon sa ating mga health workers ng kanilang mga benefits.”
Ito ang naging kautusan ni Pangulong Ferdinand Marcos Jr., matapos ang meeting kasama ang mga health officials sa Malacañang.
Nilagdaan ni dating Pangulong Rodrigo Duterte ang Proclamation No. 929, na nagdedeklara ng state of calamity sa buong bansa noong Marso 2020, nang magsimulang kumalat ang COVID-19 sa bansa.
Ang state of calamity ay dapat tumagal lamang ng anim na buwan ngunit pinalawig ng isang taon hanggang Setyembre 12, 2021, sa pamamagitan ng Proclamation No. 1021, at pinalawig sa pangalawang pagkakataon sa pamamagitan ng Proclamation No. 1218.
Binanggit din ni Pangulong Marcos ang sitwasyon ng COVID-19 infection sa bansa na patuloy ang pagbaba ng kaso ng COVID-19 at patuloy na binabantayan ang hospitalization.
Tinukoy din ni Marcos na hindi na kailangang magmadali na makakuha ng bakuna dahil bumababa na ang “risk” ng hawahan.
Sa ngayon, nabakunahan na ng DOH ang nasa 73 milyong indibidwal, o 94.54 porsiyento ng target na populasyon, habang 21 milyong indibidwal ang nakatanggap ng kanilang mga booster shot.
- Latest