Pag-usad ng mga priority bills ikinatuwa ni Pangulong Marcos
MANILA, Philippines — Labis na ikinatuwa ni Pangulong Ferdinand Marcos Jr. ang pag-usad ng kanyang mga prayoridad na panukala at umaasang makakapasa bilang ganap na batas.
Inisa-isa ni Marcos ang mga priority bills sa kanyang 2022 State of the Nation Address (SONA), na ayon sa kanya ay mahalaga sa pagpapatupad ng mga plano at programa ng administrasyon partikular na ang 8-point socioeconomic agenda.
Kabilang sa kanyang na-certify bilang urgent ay ang Fiscal Year 2023 General Appropriations Bill, Amendments to Republic Act (RA) No. 11709 (AFP Professionalism), Maharlika Investment Fund, ang Mandatory Reserve Officers’ Training Corps (ROTC) at National Service Training Program.
Noong Enero 18, 10 sa 20 priority legislative measures ng SONA ang naipasa ng House of Representatives at ipinadala sa Senado, ayon sa Presidential Legislative Liaison Office (PLLO).
Ang natitirang 10 SONA priority bill ay nasa antas ng mga komite sa parehong kapulungan ng Kongreso.
May mga panukalang batas na sinertipikahang urgent ng Pangulo at ng iba pang Legislative Executive Development Advisory Council (LEDAC)-priority bill na naipasa na ng mababang kapulungan ngunit nakabinbin pa rin sa Senado.
- Latest
