Voters registration planong muling buksan
MANILA, Philippines — Kung sakali umano na tuluyan nang maisapinal ang pagpapaliban sa Barangay and Sangguniang Kabataan Elections (BSKE) elections sa darating na Disyembre 5 ay plano muli ng Commission on Elections (Comelec) na buksan ang voters registration sa Nobyembre 2022.
Ang pahayag ay ginawa ni Comelec Chairman George Garcia matapos na aprubahan ng Senado at Kamara sa ikatlo at huling pagbasa ang panukalang ipagpaliban ang BSKE sa Disyembre 4, 2023.
Sinabi ni Garcia na sa pagtaya ng poll body, aabot pa sa pito hanggang siyam na milyong botante ang hindi pa nakakapagparehistro para sa BSKE elections.
Kabilang dito ang mga botante na may expired na o ang registration ay na-deactivate.
Ito rin umano ang dahilan kung bakit tataas ang gastusin kung sakaling maipagpaliban ang eleksiyon sa susunod na taon.
- Latest
