Top performing solons kinilala
MANILA, Philippines — Sa resulta na inilabas ng RP- Mission and Development Foundation Inc. (RPMD) ng kanilang latest nationwide survey mula Hulyo 1-15, 2022, para sa lahat ng Mayor, Governor, at miyembro House of Representatives para sa kanilang “overall job performance” sa taong 2021.
Sa House of Representatives, ang mga resulta ng pag-uuri para sa “Top Performing District Representatives” ay sina Representative Pablo John Garcia ng Cebu (3rd district), 92% job performance rating; Rep. Kristine Singson-Meehan ng Ilocos Sur (2nd district)- na 91%; dating Representative at kasalukuyang Navotas City Mayor John Rey Tiangco-89%; Rep. Gerardo “Gerry” Espina Jr. ng Biliran-88% rating; ika-5 puwesto ay hawak ni dating Representative at kasalukuyang Mayor Dale “Along” Malapitan ng Caloocan City -87 %.
Si House Speaker Martin Romualdez ng Leyte (1st district) ay nasa ikaanim na pwesto-86 %;Rep. Rufus Rodriguez ng Cagayan de Oro City (2nd district)-85%.
Nakakuha ng 84 percentage count si dating Representative Vilma Santos-Recto ng Batangas (6th district), na nasa ika-8 puwesto. Si Rep. Edcel Lagman ng Albay (1st district) ay nakakuha ng 82 percentage ratio sa ika-9 na pwesto.
Si dating Congressman at kasalukuyang Mayor Ruffy Biazon ng Muntinlupa City ay nakakuha ng 81% na nagdala sa kanya sa ika-10 puwesto.
Ayon kay Dr. Paul Martinez, Executive Director ng RPMD na ang mga nangungunang kinatawan ng distrito ay dapat kilalanin at papurihan para sa kanilang namumukod-tanging serbisyo publiko.
- Latest
