Metro Manila mayors pinanindigan ang NCAP
MANILA, Philippines — Pinanindigan ng ilang Metro Mayors ang kanilang desisyon hinggil sa pagpapatupad ng no-contact apprehension program (NCAP) sa kanilang mga nasasakupan, sa kabila ng petisyong inihain sa Korte Suprema na humahamon sa naturang polisiya.
Sa isang joint statement na nilagdaan noong Miyerkules, ay nanindigan sina San Juan City Mayor Francis Zamora, Valenzuela City Mayor Wes Gatchalian, Parañaque City Mayor Eric Olivarez, Quezon City Mayor Joy Belmonte, at Manila Mayor Maria Sheila Lacuna, na ipagpapatuloy ang pagpapahusay ng mga imprastraktura at road conditions para magkaroon ng ligtas na kapaligiran ang kanilang mga constituents.
Para sa kanila, ang implementasyon ng NCAP ay walang binabalewalang due process para sa mga motorista dahil ang mga local governments ay mayroong traffic adjudication boards kung saan maaaring ikontes at iprotesta ng mga ito ang kanilang paglabag.
Una nang hiniling ng ilang transport group sa Korte Suprema na magpalabas ng temporary restraining order (TRO) laban sa mga lokal na ordinansa na may kinalaman sa NCAP sa limang lungsod sa National Capital Region.
- Latest
