2 grupo ng MILF nagsagupa: 5 patay

MANILA, Philippines — Limang katao ang nasawi kabilang ang apat na mga miyembro ng Moro Islamic Liberation Front (MILF) at isang sibilyan nang magsagupa ang dalawang lider, kahapon ng madaling araw sa Pikit, North Cotabato.

Kinilala ang nasawing sibilyan na si Lito Catulong Quinones, habang ang apat ay mga miyembro ng MILF. Habang tatlo naman ang naiulat na nasugatan.

Batay sa report, nagkasagupa ang dalawang grupo nina Kumander Bugdad Matalam Akas at Ustadz Walid Mamasamlang sa Sitio Galigayanin Barangay Macabual, Pikit, Cotabato.

Natigil lamang ang putukan ng magkabilang panig nang pumagitna ang militar, pulisya sa kaguluhan.

Inilikas naman ang mga residente sa evacuation center para maiwasan na madamay ang mga ito.