3,097 na aftershocks naitala ng Phivolcs sa Abra quake

MANILA, Philippines — Naitala ng Philippine Institute of Volcanology and Seismology (Phivolcs) mula sa magnitude 7.0 na lindol na yumanig sa lalawigan ng Abra at mga karatig na lalawigan noong Hulyo 27 ang 3,097 aftershocks.

Ayon sa Phivolcs, ang mga naturang aftershocks ay mayroong magnitude na mula 1.4 hanggang 5.1.

Ang 955 anila sa mga ito ay pawang plotted habang 61 naman ang naramdaman ang huling aftershock na may magnitude na 3.3 na lindol ay naramdaman sa Pilar, Abra, alas-11:12 ng umaga kahapon. Nakapagtala rin ito ng Instrumental Intensity sa Vigan City sa Ilocos Sur.

Una nang klinasipika ng Phivolcs ang lindol sa Abra bilang “major earthquake”, kaya’t asahan na ang pagkakaroon ng mga aftershocks sa loob ng ilang araw o buwan.