Babala ng DSWD: Establisimyento ‘di nagbibigay ng discount, ipasasara!
MANILA, Philippines — Dahil sa mga sumbong na paglabag sa batas, binalaan kahapon ng Department of Social Welfare and Development (DSWD) ang mga establisimyento at pampublikong sasakyan na papatawan ang mga ito ng parusa sa hindi pagbibigay ng diskuwento sa mga senior citizen at person with disability (PWD).
Ayon sa DSWD, bukod sa multa, ipasasara ang mga negosyo na mapatutunayang hindi nagbibigay ng mandatory benefits at privileges sa mga senior citizens at PWDs sa pagbili nila ng mga gamot at iba pang pangangailangan sa pamamagitan ng “online” transactions” o “telephone calls” gayundin ang pagsakay sa public transport.
Sa ilalim ng joint memorandum circular na inilabas ng DSWD at iba pang national government agencies, ang mga senior citizens at PWDs ay may karapatan sa 20 percent discount sa pagbili ng mga gamot, medical supplies, professional fees sa attending physicians, transportation, hotel, restaurants, food, drinks, funeral at burial services.
Ayon sa DSWD , entitled rin ang mga seniors at PWDs sa 5% discount sa pamamagitan ng online at over-the-phone transactions sa mga basic necessities at prime commodities, gaya ng bigas, tinapay, gatas, tubig at liquefied petroleum gas (LPG) gayundin sa veterinary products, poultry feeds, condiments, construction materials, batteries, electrical supplies, papers, sabon, harina, fertilizer, pesticides, paper, at school supplies.
Inatasan na ni DSWD Secretary Erwin Tulfo ang mga tauhan na imonitor ang gagawing pagsunod ng mga business establishments at online platforms upang masiguro na ang mandatory benefits na nakalaan para sa mga nabanggit ay kanilang natatamasa.
“I will make sure to notify restaurants, transport services, and pharmacies for an explanation if they fail to comply with the guidelines. I will ask why you refuse to give the online discount to seniors. I will let you explain. But I am telling you that it is in the law,” ayon kay Tulfo.
Aniya ang mga pasaway na establisimyento na may “multiple customer complaints” ay kaagad na ipasasara bukod sa may kakaharaping multa.
- Latest
