22 smugglers ng ‘agri products’ pinangalanan
MANILA, Philippines — Base sa intelligence report na natanggap ni Senate President Vicente Sotto III nitong Mayo 17 at nakasaad sa committee report no. 649 ng senate committee of the whole na nagsiyasat sa smuggling at nilagdaan ng 17 senador ay kabilang sa 22 hinihinalang protektor at smuggler ng mga produktong agrikultural ang pinakamatataas na opisyal ng Bureau of Customs (BOC) at Department of Agriculture (DA).
Ang intelligence report na isinalarawan bilang validated case ay tinukoy sina BOC chief Rey Leonardo Guerrero, Agriculture Undersecretary Ariel Cayanan, BOC for Intelligence group Raniel Ramiro; Dir. Geoffrey Tacio, ng Customs Intelligence and Investigation Service; Atty. Yasser Abbas ng import and assessment.
Bukod dito ay nasa listahan din ang isang Toby Tiangco; Dir. George Culaste; BPI, Dir. Eudarod Gongona; BFAR, Laarni Roxas, BPI PQSD Region 3; David Tan, aka David Bangyarn; Gerry Teves; isang Mayor Jun Diamante; Manuel Tan.
Nasa listahan din si Jude Logarta; Leah Cruz, aka Luz Cruz; Lilia Matabang Cruz; Andy Chua; George Tan; at Paul Teves, Tommy Go; at Wilson Chua.
Ayon kay Sotto, ibinigay na niya ang listahan kay President-elect Bongbong Marcos dahil siya ang uupong DA Secretary at bahalang umaksyon.
- Latest