CREATE Act malaking ambag sa pagbangon ng ekonomiya — DTI chief
MANILA, Philippines — Pinasalamatan ni Dept. of Trade Industry (DTI) Secretary Ramon Lopez si 2nd District Albay) Rep. Joey Salceda, chairman ng House Committee on Ways and Means na malaki ang naging papel at naiaambag sa pagbangon ng ekonomiya ng bansa matapos ang pagkakalugmok dulot ng pandemya sa COVID-19.
Ayon kay Lopez na pinasalamatan sa kaniyang liham si Salceda sa akda nitong Corporate Recovery and Tax Incentives for Enterprises (CREATE) Act o RA 11536 at mga insentibo nito ang nagsilbing daan tungo sa pagtatag ng bagong istratehiya sa pagbalangkas ng ‘Strategic Investment Promotion Plan (SIPP) para sa lahat ng ahensiyang nagsusulong ng pamumuhunan sa bansa.
Ang CREATE Act ay napagtibay na batas matapos itong lagdaan ni Pangulong Rodrigo Duterte noong Marso 2021 bilang pinakamalaking ‘fiscal stimulus’ para sa mga negosyo sa bansa sa pamamagitan ng mga reporma sa sistema ng pagbubuwis.
Inimbitahan din ni Lopez si Salceda sa “Appreciation Ceremony” na itinakda sa darating na Hunyo 27 ganap na alas-2 ng hapon sa Legazpi 1 Ballroom, 2nd Floor ng Makati Diamond Residences sa Makati City.
- Latest
