Negosyanteng misis itinumba sa harap ng mga anak
MANILA, Philippines — Namatay habang nilalapatan ng lunas sa ospital ang isang 35-anyos na ginang nang ito ay pagbabarilin ng isa sa tatlong lalaki na nagpanggap na kustomer sa kanyang tindahan sa Brgy.Talogtog, Dolores, Abra, kamakalawa.
Kinilala ang nasawi na si Jennifer Manaois Belong, 35, may-ari ng Janice Pancitan, isang dating Overseas Filipino Worker (OFW) at tubong Lagayan, subalit nakatira sa Talogtog kasama ang tatlong anak.
Sa ulat, alas-4:10 ng hapon ay nasa loob ng kanyang tindahan ang biktima kasama ang mga anak na babae na nagmemeryenda ng pumasok ang tatlong lalaki at umorder ng tatlong plato ng pansit.
Matapos isilbi ng biktima ang pansit, isa sa tatlong lalaki ang bumunot nang baril at pinagbabaril ang una ng maraming beses at nang duguang bumulagta, naglakad patakas ang tatlong suspek habang ang biktima na nagtamo ng apat na tama ng bala sa iba’t ibang bahagi ng katawan ay dinala sa pagamutan, subalit idineklarang dead-on-arrival.
- Latest